సుకుమార్ విజయ్ సినిమా పై క్లారిటీ.. @gullynewstelugu

 సుకుమార్ విజయ్ సినిమా పై క్లారిటీ..

కరోనా కాలంలో సుకుమార్ విజయ్ దేవరకొండతో సినిమా చేస్తానని చెప్పిన సంగతి మీకు తెలుసు కదా. కథ రెడీ అయ్యాక "రాంపేజ్" అని పేరు పెట్టి, సుకుమార్‌తో దిగిన ఫొటోని సోషల్ మీడియాలో పెట్టారు కూడా. అందరూ ఈ కాంబో పక్కా అనుకున్నారు. కానీ సినిమా పరిశ్రమలో అనుకున్నవన్నీ జరగవు కదా, అందుకే ఈ ప్రాజెక్ట్ నిజంగా జరుగుతుందా అని కొందరు అనుమానిస్తున్నారు.

సుకుమార్ సినిమా తీయడానికి ఎంత టైమ్ పడుతుందో మీకు తెలుసు కదా. రాజమౌళి కంటే ఎక్కువ సమయం తీసుకుంటున్నాడు. పుష్ప 2 స్క్రిప్ట్ రెడీ అయినా కూడా అనుకున్న టైమ్‌కి రిలీజ్ కాలేదు. ఇప్పటికే ఒకసారి రిలీజ్ తేదీ మార్చారు.

Read Also : భారతీయ వ్యాపారవేత్త రతన్ టాటా గారు

పుష్ప 2 తర్వాత సుకుమార్ రామ్ చరణ్‌తో సినిమా చేయబోతున్నాడు. ఆ సినిమాకి మూడేళ్లు పట్టినా ఆశ్చర్యపోవాల్సిన పనిలేదు. రంగస్థలం జోడీ కదా, అంచనాలు చాలా ఎక్కువగా ఉంటాయి. అందుకే సుకుమార్ ఇంకా ఎక్కువ టైమ్ తీసుకునే అవకాశం ఉంది. పుష్ప 3 కూడా తీయొచ్చని ఇటీవల సూచన ఇచ్చారు. అందుకే విజయ్ దేవరకొండ 'రాంపేజ్' ఎప్పుడు జరుగుతుందో తెలియడం లేదు.

విజయ్ ఇప్పుడు మూడు సినిమాలు లైన్‌లో పెట్టుకున్నాడు. ఈ లోపల సుకుమార్ చరణ్ సినిమా పూర్తి చేసి, తర్వాత దేవరకొండ 'రాంపేజ్' మీద దృష్టి పెడితే బాగుంటుంది. ఒకవేళ పుష్ప 2, రామ్ చరణ్ సినిమా రెండూ వెయ్యి కోట్లు కలెక్ట్ చేస్తే మాత్రం దేవరకొండ-సుకుమార్ కాంబో జరుగుతుందా అనే అనుమానం వస్తుంది. పాన్ ఇండియా స్టార్లు సుకుమార్‌తో సినిమా చేయడానికి ఎదురు చూస్తున్నారు కదా.

లైగర్ హిట్ అయి ఉంటే సుకుమార్ విజయ్‌తో సినిమా చేసేవాడేమో. సుకుమార్ లాంటి దర్శకుడితో అవకాశం రావాలంటే విజయ్ త్వరలోనే పెద్ద హిట్ కొట్టాలి. వెయ్యి కోట్లు కలెక్ట్ చేయగలిగితే పెద్ద హీరోల్లా సుకుమార్‌ని లాక్కెళ్లే అవకాశం కూడా ఉంది. మరి విజయ్‌కి ఇచ్చిన మాటప్రకారం సుకుమార్ 'రాంపేజ్' తీస్తాడో లేదో చూడాలి.